Yasamalda yol qəzasında iki nəfər yaralandı

Bu gecə paytaxt Bakıda növbəti yol-nəqliyyat hadisəsi baş verib.

“Report”un məlumatına görə, hadisə Yasamal rayonu ərazisində qeydə alınıb.

İki avtomobilin toqquşması nəticəsində sərnişinlər, 1991-ci il təvəllüdlü Qocayev Təyyar Vidadi oğlu və 1989-cu il təvəllüdlü Əsədov Samir Feyruz oğlu xəsarət alıblar.

Yaralılar təcili yardımın köməkliyi ilə xəstəxanaya çatdırılıblar.

Müayinə zamanı T. Qocayeva qapalı kəllə-beyin travması, S. Əsədova isə döş qəfəsinin küt travması diaqnozları qoyulub.

Hadisənin təfərrüatı araşdırılır.