Yaşayış zonasında “Mercedes”lə toqquşan “VAZ” aşdı - VİDEO

Ağsuda yol-nəqliyyat hadisəsi baş verib.

Avtosfer.az-ın məlumatına görə, hadisə bir neçə gün əvvəl günorta saatlarında yaşayış zonasında qeydə alınıb. Belə ki, hərəkətdə olan 10-EV-523 dövlət nömrə nişanlı “VAZ-2106” markalı avtomobil, “Mercedes” markalı maşınla toqquşub. Şahidlərin iddiasına görə, qəzaya səbəb “VAZ” sürücüsünün sürət həddini aşması olub. Nəticədə “Mercedes”ə çırpılan maşın aşıb. Hadisə zamanı xəsarət alan olmasa da, hər iki nəqliyyat vasitəsinə maddi ziyan dəyib.

Qeyd edək ki, faktla bağlı araşdırma davam edir.

Nərmin