Yevlaxda baş vermiş zəncirvari qəzada 2 nəfər xəsarət alıb

Yevlaxda xəsarətlə nəticələnən yol qəzası qeydə alınıb.

APA-nın məlumatına görə, Bakı-Qazax avtomagistralının Yevlax rayonu ərazisindən keçən hissəsində zəncirvari yol qəzası baş verib.

"VAZ" və "Ford" markalı minik maşınları yanacaq daşıyan yük avtomobili ilə toqquşub. Qəza nəticəsində Bakı sakini olan 1942-ci il təvəllüdlü Bəxtiyar Rəcəbov və onun həyat yoldaşı 1949-cu il təvəllüdlü Şərqiyə Rəcəbova ağır xəsarət alaraq Yevlax Rayon Mərkəzi Xəstəxanasına çatdırılıb. Daha sonra vəziyyətləri ağır olduğundan hər ikisi Gəncə Beynəlxalq Xəstəxanasına göndərilib.

Faktla bağlı araşdırma aparılır.