Yevlaxda qəza zamanı bir ailənin 5 üzvü xəsarət alıb - YENİLƏNİB

Yevlaxda baş verən qəza zamanı xəsarət alanların adları açıqlanıb.

Avtosfer.az xəbər verir ki, iki “Toyota” markalı avtomobilin toqquşması nəticəsində Balakən rayon sakinləri 1959-cu il təvəllüdlü Mehriban Əhmədova, qızı 1991-ci il təvəllüdlü Şəhla Əhmədova, nəvələri 2019-cu il təvəllüdlü Elif Əhmədova, 2020-ci il təvəllüdlü Milana Əhmədova, həmçinin 1985-ci il təvəllüdlü Turanə Əhmədova, Bərdə rayon sakinləri Saleh Ağayev və Niyazi Sadıqov müxtəlif dərəcəli bədən xəsarətləri alıblar. 
Yaralılar xəstəxanaya yerləşdirilib.
Faktla bağlı araşdırma aparılır.

***

Yevlaxda iki avtomobilin toqquşması nəticəsində uşaqlar da daxil olmaqla 8 nəfər xəsarət alıb.

Avtosfer.az xəbər verir ki, hadisə Xaldan-Mingəçevir yolunun Yevlax rayon ərazisindən keçən hissəsində qeydə alınıb.

Xəsarət almış üç uşaq, üç qadın və iki kişi Mingəçevir Mərkəzi Şəhər Xəstəxanasına yerləşdiriliblər.

Bir nəfər ağız nahiyəsindən ağır xəsarət aldığından əməliyyata götürülüb, digərlərinin vəziyyəti orta-ağır və kafi qiymətləndirilir.

Faktla bağlı araşdırma aparılır.

(unikal)