Yolayrcına girən sürücü öncə mopedə, sonra “Mercedes”ə çırpıldı, kuryer.. - ANBAAN VİDEO

Paytaxtın Xəqani və Rəşid Behbudov küçələrinin kəsişməsində baş vermiş zəncirvari qəza anbaan kameraya düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Belə ki, hərəkətdə olan “Mercedes” markalı avtomobilin sürücüsü işıqforun qırmızı işığında keçərək yolayrıcına daxil olur. Bu zaman o, öncə sol tərəfdən gələn mopedə, sonra “Mercedes” markalı maşına çırpılıb. Zərbənin təsirindən moped sürücüsü bir neçə metr kənara - səkiyə düşüb. Hadisə zamanı xəsarət alan olmasa da, hər üç nəqliyyat vasitəsinə maddi ziyan dəyib. 

Təəssüflə qeyd edək ki, bəzi sürücülər günün qaranlıq saatlarında yolun boş olmasını “fürsət” bilərək qayda pozurlar. Lakin bu halda belə təhlükə yaratdıqlarını, hətta ağır qəzalara səbəb ola biləcəklərini unudurlar. 

Nərmin