Yük qatarı mikroavtobusla toqquşdu: 5 ölü, 2 yaralı - FOTO

Zaporojye bölgəsində yük qatarının və mikroavtobusun iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyulun 9-da Novobodanovka kəndi ərazisində qeydə alınıb.

Məlumata görə, içərisində 7 sərnişinin olduğu mikroavtobus dəmiryol keçidində yük qatarı ilə toqquşub. Zərbənin təsirindən mikroavtobus deformasiyaya uğrayıb.

Bildirilir ki, hadisə yerinə dərhal polis, xilasetmə və təcili tibbi yardım briqadlarının əməkdaşları cəlb ediliblər.

Nəticədə mikroavtobusda sıxılı qalan 7 nəfər çıxarılıb. Onlardan 5 nəfəri ölüb, sürücü və bir sərnişin xəstəxanaya aparılıb.

Hüquq-mühafizə orqanaları tərəfindən qəzanın hansı şəraitdə baş verdiyi araşdırılır.

Namiq Musayev