Yüksək sürətin nəticəsi: 4 nəfər öldü – FOTOLAR

Rusiyanın Rostov əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyulun 19-da Volqodonsk yaxınlığındakı magistral yolda qeydə alınıb. Bu barədə Rostov vilayətinin Dövlət Yol Müfəttişliyindən bildirilib.

Məlumata görə, 24 yaşlı sürücünün yüksək sürətlə idarə etdiyi “Lada Larqus” markalı minik avtomobil, hələlik məlum olmayan səbəblərdən sürücünün idarəetməsindən çıxaraq yolun əks istiqamətinə hərəkət edib və qarşıdan gələn qoşqulu “Kamaz” markalı yük maşını ilə toqquşub.

Zərbənin təsirindən hər iki nəqliyyat vasitəsi yol kənarına düşüb. Minik avtomobili isə deformasiyaya uğrayıb.

Nəticədə “Lada”nın sürücüsü və 3 sərnişini aldıqları xəsarətlərdən hadisə yerində ölüblər.

Faktla bağlı cinayət işi açılıb, qəzanın baş vermə səbəbləri araşdırılır.

Namiq Musayev