Azərbaycanda direktorun oğlu velosipedçini vurub öldürdü - FOTO - YENİLƏNİB

Zaqatalada ölümlə nəticələnən yol qəzası ilə bağlı bəzi faktlar məlum olub. Lent.az-ın əldə etdiyi məlumata görə, qəzanı törədən Elvin Ömərov Zaqatala rayonu, 3-cü Tala kənd orta məktəbinin direktoru Alimə Qurbanovanın (Ömərova) oğludur. 

E.Ömərovun dayısı Habil Qurbanov isə YAP-ın Zaqatala rayon təşkilatının sədridir. 

Qəzanın dəqiq başvermə səbəbləri hələlik məlum deyil. 

Faktla bağlı Zaqatala rayon Polis Şöbəsi tərəfindən araşdırma aparılır. 

***

Zaqatalada velosipedçini avtomobil vuraraq öldürüb.

Avtosfer.az-ın məlumatına görə, hadisə bu gün səhər saatlarında Zaqatala-Muğanlı avtomobil yolunun Aşağı Tala kəndi ərazisindən keçən hissəsində baş verib.

Elvin Ömərovun idarə etdiyi “VAZ 2106” markalı, 10 RA 993 dövlət nömrə nişanlı minik avtomobili velosipedlə hərəkət edən Muğanlı kənd sakinini vurub.

Velosipedçi hadisə yerində ölüb. 

Faktla bağlı Zaqatala rayon Polis Şöbəsində araşdırma aparılır. 

Lent.az