Zəvvarları daşıyan mikroavtobus yük maşınına çırpıldı: azı 13 nəfər ölüb - FOTO

Hindistanda iki nəqliyyat vasitəsinin iştriakı ilə ağır yol qəzası baş verib. Avtosfer.az “India today” portalına istinadən xəbər verir ki, hadisə iyunun 28-də Karnataka ştatının cənub-qərbində qeydə alınıb.

Məlumata görə, salonunda zəvvarların olduğu mikroavtobus park vəziyətində olan yük maşınına arxadan çırpılıb. Zərbənin təsirindən mikroavtobus deformasiyaya uğrayıb.

Nəticədə azı 13 nəfər ölüb, 4 nəfər isə yaralanıb.

Polisin məlumatına görə, toqquşmanın təsirindən cəsədlər mikroavtobusun qalıqları arasında qaldığından xilasedicilər onları çıxarmaqda çətinlik çəkib.

Hadisə ilə bağlı cinayət işi açılıb və qəzanın başvermə səbəbləri araşdırılır.

Namiq Musayev