Şumaxerin oğlu test yürüşünü 18-ci sırada başa vurdu

"Formula 1" üzrə dünya çempionatında mövsümün sonuncu - Abu-Dabi Qran-prisi öncəsi ilk test yürüşü başa çatıb.

Avtosfer.az məlumatına görə, ən yaxşı nəticəni "Red Bull" pilotu Maks Ferstappen göstərib. "Mercedes"dən Valtteri Bottas 2-ci, "Renault"dan Esteban Okon 3-cü yerlə kifayətlənib.

Yeddiqat dünya çempionu Mixael Şumaxerin oğlu, "Hass"ın pilotu Mik Şumaxer isə sərbəst yürüşü 18-ci pillədə tamamlayıb. 21 yaşlı sürücünün komanda yoldaşı, ikiqat dünya çempionu Emerson Fittipaldinin nəvəsi Pyetro Fittipaldi 19-cu olub.

Koronavirusa yoluxduğu üçün əvvəlki mərhələni qaçıran "Mercedes" yeddiqat dünya çempionu Britaniyalı Lüis Hemilton ilk praktikada beşinci yeri tutub.

Qeyd edək ki, Mik Şumaxerin test yürüşündə iştirakı onun 2021-ci ildəki dünya çempionatına hazırlığının bir hissəsidir. "Ferrari" akademiyasının pilotu "Formula 2" (2020) və "Formula 3" (2018) çempionudur.