Bakıda bu ərazidə maşın saxlamaq qadağan edildi - VİDEO

Yasamal rayonunda "Şamaxinka" kimi tanınan ərazidəki böyük dayanacaq ləğv edilib. Buna səbəb dayanacağın tunelin üstündə olmasıdır. Avtomobillərini saxlamaq üçün yer tapmayan sürücülər isə ərazidə tıxaca səbəb olur. Avtoparkda cəmi 3 avtomobil qalıb, onların da sahibinin ortaya çıxması gözlənilir. Əftafdakı sürücülərin bildirdiyinə görə avtoparkın bağlanması və ətrafda avtomobil saxlamaq üçün yerin olmaması tıxaca səbəb olur. Avtoparkın ləğv olunması bəzi rayonlara sərnişin daşıyan sürücülər üçün də çətin olacaq. Onlşar avtomobilləri saxlamağa yer tapmaqda çətinlik çəkəcək.

Parkomatlara nəzərə edən Xüsusi Təyinatlı Avtonəqliyyat İdarəsindən bildirilir ki, həmin ərazidə dayanacaq üçün başqa yer yoxdur.

3 -cü mikrorayon bazarının qarşısındakı bu tunelin üstündə parkomat olmasa da köşkdə sürücülərdən 50 qəpik pul alınır. Məsələ ilə bağlı “Azəryolservis”dən bildirilir ki, qərar Bakı Şəhər İcra Hakimiyyəti ilə birgə qəbul edilib və zamanla paytaxtdakı bütün tunellərin üstündə və körpülərin altında avtomobil saxlamaq qadağan ediləcək.