Bu küçədə elektromobillər üçün sürətli aparat quraşdırılır, amma... - FOTO

Paytaxtın Nizami küçəsində, Landmark oteli ilə üzbəüz, səki qırağında  120 kvt gücündə  iki enerji yükləmə stansiyası quraşdırılır.

Avtosfer.az xəbər verir ki, bu barədə sosial şəbəkələrdə fotolar paylaşılıb. Belə ki, bu sürətli yükləmə apparatları ilə əksər elektromobilləri 30-40 dəqiqəyə tam enerji yükləmək mümkündür.

Qeyd edək ki, hazırda həmin ərazidə ödənişli parklanma zonası fəaliyyət göstərir.

Amma problem budur ki, elektrikli avtomobillər üçün nəzərdə tutulmuş ərazidə başqa maşınlar park edə bilər. 

Çünki mövcud qanunvericilikdə hələ də elektrik avtomobilləri üçün parklanma yerini bildirən nişan və onun tələbinin pozulması təqdirdə cərimə sanksiyaları yoxdur.
Xatırladaq ki, dünyada bunun nümunələri çoxdur. Texniki olaraq bu məsələni əlavə lövhə ilə də həll etmək olar, amma o lövhə yol hərəkəti haqqında qanunda mövcud deyil. 

Könül