Daxili İşlər Nazirliyinə dinləmə səlahiyyəti verildi

Bir neçə gün öncə Daxili İşlər Nazirliyinə telefon danışıqlarını gizli dinləmək səlahiyyəti verilib. Avtosfer.az-ın “qafqazinfo”ya istinadən verdiyi xəbərə görə, bu qərarla bağlı qanunvericiliyə də dəyişiklik edilib. Artıq polis əməkdaşları da cinayətdə şübhəli bilinən şəxslərin telefon danışıqlarını izləyə, telefon siqnalları əsasında onların yerini təyin edə biləcək.

Qeyd edək ki, bu qərardan öncə belə əməliyyatları yalnız Milli Təhlükəsizlik Nazirliyi həyata keçirirdi. Daxili İşlər Nazirliyinin əməkdaşları isə bu məlumatları MTN-ə sorğu göndərərək əldə edirdilər.