Deputat bu küçədə işıqlandırmanın qurulmasına nail oldu - FOTO

"Salatın Əsgərova küçəsinin Murtuza Muxtarov və Mirzə Fətəli küçələri arasındakı hissəsinin işıqlandırma sisteminin yenilənməsi istiqamətində tədbirlər həyata keçirilir. Bu gündən etibarən illərdir qaranlıq olan küçə qənaətli çıraqlarla işıqlandırılmağa başlanıb." Avtosfer.az xəbər verir ki, bu barədə deputat Elnur Allahverdiyev məlumat verib. O, bildirib ki, bu küçə böyük bir ərazidə yaşayan sakinlərimizin metronun “Nizami” stansiyası istiqamətində istifadə etdikləri əsas yollardan biridir. "İndi günün qaranlıq saatlarında da S.Əsgərova küçəsindən rahat şəkildə yararlanmaq mümkündür. Xatırladaq ki, bundan əvvəl küçənin bu hissəsinin asfalt örtüyü də yenilənib. Bu işdə səsimizə səs verib, müraciətimizi müsbət dəyərləndirdiklərinə görə “Azərişıq” ASC-nin rəhbərliyi və əməkdaşlarına xüsusi təşəkkürümüzü bildiririk. Əməyi keçən hər kəsə minnətdarıq! Biz birlikdə güclüyük!".

Emin