DİN-in nümayiş etdirdiyi avadanlıqlara maraq böyükdür – Ekspertlər SƏRGİDƏ - VİDEO

Nəqliyyat eksperti Elməddin Muradlı və hüquqşünas Ərşad Hüseynov Beynəlxalq sərgi təşkilatçısı “Caspian Event Organisers” şirkəti tərəfindən keçirilən “13-cü Xəzər Beynəlxalq Yol İnfrastrukturu və İctimai Nəqliyyat – Road and Traffic” sərgisində iştirak ediblər.

Avtosfer.az xəbər verir ki, onlar Daxili İşlər Nazirliyinin xüsusi pavilyonu və STP-BTECH məhsulları ilə tanış olublar. DİN-in pavilyonunda Baş Dövlət Yol Polisi İdarəsinin və Nəqliyyati İntellektual İdarəetmə Mərkəzinin məhsullları, eləcə də yol hərəkəti təhlükəsizliyinin təmin edilməsində istifadə olunan yeni texnologiyalar, texniki vasitələr və ləvazimatlar nümayiş etdirilib. 

Ərşad Hüseynov və Elməddin Muradlı sərgidə xüsusilə bu avadanlıqlara böyük maraq göstərildiyini, sərginin həm maarifləndirici, həm də innovativ yeniliklərin təqdimatı baxımından əhəmiyyətli olduğunu bildiriblər.

Eltac Zülfüqaroğlu