"Google Maps" sürücüləri ekoloji təmiz marşrut üzrə hərəkət etməyə yönəldəcək

"Google Maps" tətbiqi avtomobil sürücülərini havada daha az tullantı yaranan marşrut üzrə hərəkət etməyə yönəldəcək.

APA şirkətin yaydığı məlumata istinadən xəbər verir ki, "Google"un iqlim dəyişikliyi ilə mübarizə öhdəliyi çərçivəsində bu funksiya cari ilin sonunda ABŞ-da işə düşəcək, daha sonra isə digər ölkələrdə əlçatan olacaq.

"Google" marşrutlar barədə məlumatları ABŞ-ın Bərpa olunan Enerji Tədqiqatı üzrə Milli Laboratoriyasından əldə edir.