Motosikletçi robot təqdim olundu - FOTO - VİDEO

Yaponiyanın musiqi alətləri və mototexnika istehsalı üzrə məşhur “Yamaha Corporation” konserni motosiklet idarə edən robot hazırlayıb. İKT.lent.az-ın “nplus1.ru” saytına istinadən verdiyi məlumata görə, 44-cü Beynəlxalq Tokio Avtosalonunda robotun rəsmi təqdimatı keçirilib. “Motobot” adlanan robot kiçik yan təkərlərlə təchiz edilmiş YZF-R1M motosikletində hərəkət edir. Robot motosikletin bütün idarəetmə funksiyalarından istifadə edir. Belə ki, o, sürəti artırır, yavaşladır, maşını tormozlayır və dönə bilir.

“Yamaha”nın “YouTube”dakı kanalında “Motobot”un imkanların nümayiş etdirən kiçik videorolik yerləşdirilib. Burada robotun sınaq poliqonunda sürəti saatda 100 km-ə qədər artırdığı görünür. İstehsalçılar gələcəkdə sürəti saatda 200-ə çıxarmağı planlaşdırır. “Motorobot”un praktik tətbiqi barədə hələlik heç nə deyilməyib.