Sərxoş sürücülər üçün yeni sistem hazırlanır - Avtomobil işə düşməyəcək

İngiltərə hökuməti avtomobillərə alkoqol kilidi və “qara qutu” sistemlərinin məcburi tətbiqi ilə bağlı qanun layihəsi hazırlayır.  Avtosfer.az "Yenifikir.media"ya istinadən xəbər verir ki, bu sistem sərxoş sürücünü aşkar etdikdə avtomobilin işə düşməsinə imkan verməyəcək. Qeyd edək ki, bu sistem Avropa İttifaqının təhlükəsizlik standartlarına uyğunlaşdırmanı hədəfləyir. Müxalifət bunu “gizli AB dönüşü” kimi qiymətləndirsə də hökumət bu qərarın iqtisadi və praktiki səbəblərlə əsaslandığını vurğulayır. 2013–2024-cü illərdə İngiltərə və Uelsdə 27 minə yaxın sərxoş sürücülük halı qeydə alınıb. Sorğular cəmiyyətin bu texnologiyanın tətbiqinə müsbət yanaşdığını göstərir.