Azərbaycanda sərxoş sürücülərə qarşı cəzalar daha da sərtləşdirilir

Sərxoş sürücülərə qarşı məsuliyyət tədbirlərinin artırılması ilə bağlı qanunvericiliyə dəyişiklik edilir. Avtosfer.az xəbər verir ki, bu məsələ İnzibati Xətalar Məcəlləsinə təklif edilən dəyişiklikdə öz əksini tapıb.

Qeyd edək ki, hazırda qüvvədə olan qanunvericiliyə görə sürücü sərxoş vəziyyətdə avtomobili idarə edirsə onun barəsində 400 manat 5 bal cərimə yazılır və ya sürücülük hüququ 6 aydan 1 ilədək müddətə məhdudlaşdırılır. Lakin edilən dəyişiklikdə göstərilib ki, həmin xətanın törədilməsinə görə cərimə balı 10 bala qaldırılır.
Qeyd edək ki, bu dəyişiklikdə cərimə məbləğinin artırılması nəzərdə tutulmayıb.

Sürücülər bilməlidir ki, edilən bu dəyişiklik qüvvəyə mindikdən sonra il ərzində iki dəfə sərxoş vəziyyətdə aşkar edildikdə və yaxud saxlanılan zaman sürücülük vəsiqəsində 10 və daha çox bal olduqda, sərxoşluğa görə yazılan cərimədən sonra avtomatik 20 bal toplamış sayılır. Bu zaman sürücülük hüququndan birmənalı şəkildə məhrum ediləcəkdir.

Fərid