Sumqayıt qatarından Biləcəri sakinləri də istifadə edəcək

2016-cı ilin birinci yarısınadək Bakı-Sumqayıt-Bakı elektrik qatarından Biləcəri sakinləri də istifadə edə biləcək. Avtosfer.az "azərtac"a istinadən xəbər verir ki, bu barədə "Azərbaycan Dəmir Yolları” QSC-nin mətbuat katibliyinin rəisi Nadir Əzməmmədov deyib.

Onun sözlərinə görə hal-hazırda Biləcəri stansiyasında yenidənqurma işləri həyata keçirilir. Bu səbəbdən Bakı-Sumqayıt-Bakı elektrik qatarı bu stansiyada dayanmır. “Biləcəri stansiyasında yeni turniketlər quraşdırılır, gediş və gəliş platformalarında işlər görülür. Gələn ilin birinci yarısınadək işlər yekunlaşacaq və Bakı-Sumqayıt-Bakı elektrik qatarı Biləcəri stansiyasında dayana biləcək”, – deyə Nadir Əzməmmədov vurğulayıb.