Sürücülərə vacib xəbər - Bu ildən "Yaşıl kart" almalı olacaqsız - VİDEO

Yanvarın 1-dən Azərbaycanda “Yaşıl Kart” sistemi fəaliyyətə başlayır. İlkin olaraq Azərbaycan İran və Türkiyə ilə bu sistemi tətbiq edəcək. “Yaşıl Kart”ın mahiyyəti ondan ibarətdir ki, siz öz avtomobilinizlə getdiyiniz ölkədə qəza törətsəniz, sizin məsuliyyətiniz sığortalanmış olur. Hazırda ölkənin 11 sığorta şirkətindən “Yaşıl Kart” almaq mümkündür. Amma hələ ki, bu kartı almayanların sərhəddə “sərhəd sığortası”ndan istifadə imkanları qalır. 

İcbari Sığorta Bürosunun direktoru Elxan Quliyev isə bildirib ki, bu baha başa gəlir və hər dəfə də sərhədi keçəndə əlavə vaxt itkisi və vəsait ödəmək zərurəti yaranır. Bu sistemin həyata keçməsini arzulayan isə ən çox fiziki şəxslər və TIR sahibləridir. “Yaşıl Kart”ın tarifləri maşının mühərrikindən, gedilən ölkədən və verilmə müddətindən asılıdır. 

Mühərrik artdıqca ödəniş də artır.  Tezliklə digər ölkələrlə də “Yaşıl Kart” tətbiqinə başlanacaq.