Sürücülük vəsiqəsinə görə DYP-yə yox, "ASAN xidmət"ə gedin - YENİLİK

Sürücülük vəsiqəsinin itirilməsi və dəyişdirilməsi halları ilə bağlı yenilik edilib. Avtosfer.az xəbər verir ki, əvvəllər sürücülük vəsiqəsinin müddəti bitdikdə və ya vəsiqə itirildikdə Dövlət Yol Polisi İdarəsinin Qeydiyyat-İmtahan idarəsinə və şöbələrinə müraciət edərək yenisi ilə əvəz etmək olurdu. Lakin indi bu proseduru yalnız “Asan Xidmət” mərkəzlərində etmək mümkündür.

Qeyd edək ki, bu dəyişiklik sürücülərin rahat və fasiləsiz şəkildə vəsiqələrini dəyişdirməsi üçün nəzərdə tutulub. Sərt karantin rejimi dövründə “Asan Xidmət” mərkəzlərinin iş rejimində yaranmış məhdudiyyətlərə görə sürücülərin rahatlığını nəzərə alaraq bu əməliyyatı Dövlət Yol Polisi İdarəsi də həyata keçirirdi. Sürüclərin diqqətinə çatdırırıq ki, hal-hazırda sərt karantin rejimi ləğv edildiyi üçün Dövlət Yol Polisi İdarəsi bu məsələ ilə bağlı xidməti dayandırıb. Ona görə də sürücülük vəsiqəsinin etibarlıq müddətinin bitməsi, yararsız hala düşməsi, itirilməsi, xarici nümunəli vəsiqənin Azərbaycan nümunəli vəsiqə ilə əvəz edilməsi üçün yalnız “Asan Xidmət” mərkəzlərinə müraciət etmək lazımdır.

Fərid