Usta su ilə işləyən maşın hazırladı – VİDEO

Hindistanda bir maşın ustası dünyanın ən sərfəli avtomobillərindən birini ərsəyə gətirib. 44 yaşlı Məhəmməd Rəis Markaninin hazırladığı nəqliyyat vasitəsi su ilə işləyir. Avtosfer.az atv.az-a istinadən xəbər verir ki, Məhəmmədin avtomobili su ilə hərəkətə gətirmə mexanizmi əksər ustaya lap çoxdan məlumdur. Hindistanlı bunun üçün sudan və karbidlərdən istifadə edir. Karbidi suya atan kimi o dərhal qaynamağa başlayır. Qaynar sudan isə enerji əldə olunur. Məhəmməd bu mexanizmi avtomobil mühərrikinə tətbiq edə bilib. İlk baxışdan təhlükəli görünsə də, hindli usta indiyədək hər hansı partlayış və ya qəzanın baş vermədiyini deyir. 15 ildir ustalıq etdiyini deyən Məhəmməd su ilə işləyən avtomobil hazırladıqdan sonra xərclərinin bir xeyli azaldığını deyir. Onun sözlərinə görə, bu cür avtomobil hazırlamaq üçün mühərrikdə bir neçə ciddi dəyişiklik etmək lazımdır. Yoxsa, su ilə dolu çənə karbid atmaq faciəvi sonluqla nəticələnə bilər.

Məhəmmədin bu ixtirası çinli avtomobil istehsalçılarının diqqətini cəlb edib. Hindli ustanı böyük gəlir müqabilində Çinə dəvət edən iş adamları, onun patentini aldığı layihə əsasında maşınqayırma sənayesində yeni səhifə açmağa hazırlaşır.