Bu yolayrıcında sürücülər çaş-baş qalıb: Hamıya stop nişanı quraşdırılıb - VİDEO

Bakıda hərəkətin düzgün təşkil edilmədiyi küçədə sürücülər çaş-baş qalıb. Avtosfer.az xəbər verir ki, bu barədə sosial şəbəkədə videogörüntü yayılıb. Məlumata görə, videogörüntü paytaxtın Şüvəlan qəsəbəsində "Mayak" adlanan ərazidə qeydə alınıb. Belə ki, dörd yol kəsişməsində bütün istiqamətlərə dayanmadan keçməni qadağan edən "stop" nişanı quraşdırılıb. Sürücülər bu kəsişmədə hansı istiqamətdən gələn sürücünün üstünlüyə malik olduğunu bilmirlər.

Qeyd edək ki, qanunvericiliyə görə, hərəkətin bu cür təşkil edilməsi doğru hesab olunmur. Faktiki bu kəsişmədə bütün istiqamətlərdən gələn sürücülər eyni hüquqa malikdirlər. Belə hal qanunla tənzimlənmədiyi üçün sürücülər öz aralarında razılığa gələrək bir-birinə yol verməlidir.

Fərid