Bu yolda sağ zolaqla hərəkət edən sürücülərin diqqətinə: Cərimə yazıla bilər - VİDEO

Bakıda hərəkətin təşkilinə edilmiş dəyişiklikdən əksər sürücülərin hələ də xəbəri yoxdur. Avtosfer.az xəbər verir ki, bundan xəbəri olmayan sürücülər qayda pozaraq təhlükə yaradırlar. Belə ki, paytaxtın Nəriman Nərimanov prospektindəki geriyə dönmə yerində əvvəllər hər iki zolaqla sərbəst şəkildə manevr edərək Abdulla Şaiq küçəsinə dönmək olurdu. Bu zaman trayektoriya kəsişmədiyi üçün Abdulla Şaiq küçəsilə hərəkət edən nəqliyyat vasitələrinə yol vermə məcburiyyəti yaranmırdı. Sözügedən yolda pik saatlarda tıxac yarandığından bu istiqamətdə bir zolaq genişləndirmə işləri aparılıb. Bu səbəbdən geriyə dönmə yerindəki sağ zolaqla hərəkət edən avtomobillərin Abdulla Şaiq küçəsilə hərəkət edən avtomobillərlə trayektoriyası kəsişir. Sürücülərin əksəriyyəti nişana və nişanlanma xəttlərinə əhəmiyyət vermədiyi üçün qəza şəraiti yaranır.

Bu istiqamətdə hərəkət edən sürücüləri diqqətli olmağa və qaydalara əməl etməyə çağırırıq.

Fərid