Abşeronda yol polisi körpəni belə xilas etdi - VİDEO

Vətəndaş Elçin Məmmədov axşam saatlarında körpəsinin qəfil halı pisləşdiyindən onu təcili xəstəxanaya aparmalı olub. Avtosfer.az xəbər verir ki, Masazır yolunda olan tıxac körpənin həyat təhlükəsini artırıb. Fevralın 13 də saat 19 radələrində peşə xidmətini yerinə yetirərkən Abşeron rayon Dövlət Yol Polisi Şöbəsinin 99-YP-171 dövlət nömrə nişanlı avtomobilini idarə edən inspektoru yolda olan tıxacı açaraq, az yaşlı körpənin vaxtında xəstəxanaya çatdırılmasını təşkil etməklə, onun həyatını xilas edib.

Yol Patrul Xidməti inspektorları uşağın olduğu maşını yol boyu müşayiət edərək tıxacdan çıxarıb, xəstəxanaya tez çatmasına şərait yaradıb.

Körpənin ailəsi peşə borcunu şərəflə yerinə yetirən Yol Patrul Xidməti inspektorları Mehman Zülfuqarov və Qurban Baxşıyevə öz minnətdarlıqlarını bildirirlər.

Gültən Qədirli