Ağsuda yol polisləri sürücünün həyatını belə xilas etdi - VİDEO

Ağsuda yol polisləri sürücülərə kömək edib. DİN Mətbuat Xidmətinin Şirvan şəhərindəki regional Avtosfer.az-a qrupundan verilən məlumata görə, ötən gün Ağsu şəhərində bir vətəndaş ərazidə xidmət aparan Dövlət Yol Polisi əməkdaşlarına yaxınlaşaraq onlardan kömək istəyib. O, yük avtomobilinin sürücüsü, epilepsiya xəstəliyindən əziyyət çəkən atasının halının pisləşdiyini bildirib. Ağsu RPŞ Dövlət Yol Polisi Bölməsinin əməkdaşları - polis leytenantı Orxan Əzizov və polis serjantı Rais Baxşiyev dərhal həmin sürücüyə ilkin tibbi yardım göstərərək öz avtomobillərində Ağsu Rayon Mərkəzi Xəstəxanasına çatdırıblar. Orada sürücü Tərlan Kərimova zəruri tibbi yardım göstərilib. Onun səhhəti normallaşanadək polis əməkdaşları xəstəxananı tərk etməyiblər. Sürücünün oğlu və ailəsi polis əməkdaşlarının belə humanistliyinə, göstərilən diqqət və qayğıya görə təşəkkürlərini bildirirlər.

Gültən Qədirli