Bir gündə iki yol polisi rəisi işdən çıxarıldı - Sərəncamlar

Ağdam rayon polis şöbəsinin Dövlət yol polisi bölməsinin rəisi Məmmədov Vasif Yusif oğlu vəzifəsindən azad edilərək sərəncama göndərilib. Avtosfer.az-ın "Report"a istinadən məlumatına görə, daxili işlər naziri, general-polkovnik Ramil Usubov bununla bağlı müvafiq əmr imzalayıb. Onun yerinə hələlik təyinat olmayıb.

Bir müddət əvvəl İsmayıllı rayon Polis şöbəsinin rəis müavini, polis polkovnik-leytenantı Pərviz İsmayılov tutduğu vəzifədən azad edilərək Ağdam rayon Polis şöbəsinin rəisi vəzifəsinə təyin edilib.

Sumqayıt Şəhər Polis İdarəsi Dövlət Yol Polisi Şöbəsinin rəisi Bayram Mazan oğlu Zeynalov da tutduğu vəzifədən azad olunub. Avtosfer.az unikal.org-a istinadən xəbət verir ki, bununla bağlı daxili işlər naziri Ramil Usubov əmr imzalayıb.

Xəbəri Sumqayıt şəhər Polis İdarəsindən təsdiq ediblər.