Etibarnaməsiz saxlanılan sürücünün narkotikin təsirində olduğu üzə çıxdı - FOTO

Samux rayonu ərazisində narkotik vasitənin təsiri altında avtomobil idarə edən sürücü aşkarlanıb.

Avtosfer.az-ın məlumatına görə, Samux Rayon Polis Şöbəsinin Dövlət Yol Polisi Bölməsinin əməkdaşları tərəfindən yol hərəkəti qaydalarını pozduğu üçün “Ford” markalı avtomobilin sürücüsü E.Həsənov saxlanılıb.

Yoxlama zamanı sürücünün nəqliyyat vasitəsini müvafiq etibarnamə olmadan idarə etdiyi müəyyən edilib. Bundan əlavə, onun davranışları polis əməkdaşlarında şübhə yaratdığından E.Həsənov tibbi müayinəyə cəlb olunub.

Müayinənin nəticəsinə əsasən, sürücünün narkotik vasitə qəbul etdiyi məlum olub.

Faktla bağlı toplanmış materiallar hüquqi qiymət verilməsi üçün məhkəməyə göndərilib.

Nərmin