Hamilə qadını xəstəxanaya YPX avtomobili ilə çatdırdılar - VİDEO

Sumqayıt ərazisində xidmət aparan yol polisi hamilə qadına yardım edib.

Avtosfer.az xəbər verir ki, hadisə martın 15-də gecə saat 02:15-də Bakı-Sumqayıt yolunun Ceyranbatan qəsəbəsindən keçən hissəsində baş verib.

Qəsəbə ərazisində avtomobillərdən birinin sürücüsü 99-YP-993 dövlət nömrə nişanlı YPX avtomobilində xidmət aparan yol polisinə yaxınlaşaraq kömək istəyib.

Sürücü bildirib ki, maşında hamilə qadın var və onu təcili xəstəxanaya aparmaq lazımdı.

Polis əməkdaşı hamilə qadını xidməti avtomobilinə əyləşdirərək yaxınlıqdakı xəstəxanaya çatdırıb.

Sürücü isə bu cür köməklik göstərdiklərinə görə yol polisinə öz təşəkkürünü bildirib.

Namiq Musayev