Mingəçevirdə yol polisi sürücülərə bayraq hədiyyə edib - FOTO

DİN Mətbuat Xidmətinin Şəki Regional qrupundan verilən məlumata görə, Mingəçevir Şəhər Polis Şöbəsinin Dövlət Yol Polisi bölməsinin təşkilatçılığı ilə Dövlət Bayrağı Günü münasibəti ilə “Hər sürücüyə bir bayraq” aksiyası keçirilib.
Yol polisi əməkdaşları sürücüləri bu əlamətdar bayramla əlaqədar təbrik edərək, onlara üçrəngli bayrağımızı hədiyyə ediblər. Aksiya sürücülər tərəfindən də maraqla qarşılanıb və onlar DYP əməkdaşlarına öz minnətdarlıqlarını bildiriblər.