Yol polisi gecə oğurlanmış "ZİL"i bu gün səhər tapıb sahibinə qaytardı

Fevral ayının 14-ü, saat 03:45 radələrində Sulutəpə qəsəbəsindən qaçırılan 50-DA-951 dövlət qeydiyyat nişanlı, “ZİL-MMC-4512” markalı yük avtomobili yol polisləri tərəfindən tapılıb. Bu barədə Avtosfer.az-a Baş Dövlət Yol Polisi İdarəsinin şöbə rəisi, polis polkovniki Kamran Əliyev məlumat verib. Belə ki, Binəqədi rayon polis idarəsinin 40-cı polis bölməsindən verilmiş məlumat əsasında həmin avtomobil DİN Baş DYP İdarəsinin Ekoloji nəzarət bölüyünün 99-YP-688 dövlət qeydiyyat nişanlı patrul avtomobilində xidmət aparan YPX inspektorları tərəfindən saxlanılıb.

Yük avtomobilini qaçırmış Qobustan rayon sakinləri 1974-cü il təvəllüdlü Ağayev Yusif Heydər oğlu və 1980-ci il təvəllüdlü Qədirov Qədir Mamed oğlu tutularaq istintaq orqanlarına təhvil veriliblər.

Gültən