Yol polisi gündüz vaxtı şəhərdə "at oynadan" KamAZ sürücülərini saxladı - FOTO

Nazirlər Kabinetinin müvafiq qərarına uyğun olaraq yük maşınlarının şəhərə girişi gündüz saatlarında məhdudlaşdırılıb.

Avtosfer.az xəbər verir ki, Nizami rayon Dövlət Yol Polisi Şöbəsinin əməkdaşları rayon ərazisində qaydaları pozan yük maşını sürücülərini saxlayıb.

Həm yükdaşıma, həm də Nazirlər Kabinetinin müvafiq qərarını pozan 4 yük maşınından ikisinin dövlət nömrə nişanı üzərində olmayıb.

DYP əməkdaşları qayda pozan sürücülərin maşınlarını cərimə meydançasına yerləşdirib və özləri barəsində qanunauyğun şəkildə tədbirlər görüb.

Araşdırmalar zamanı KamAZ sürücülərindən birinin sürücülük hüququnun olmadığı müəyyənləşib.

Qeyd edək ki, müvafiq qərara uyğun olaraq yük maşınlarının səhər saat 7-dən, axşam 10-a kimi şəhər ərazisinə girişi qadağandır.