Yük və sərnişindaşımalara qarşı reyd keçirildi; nöqsanlar aşkarlandı - FOTO

Avtomobil nəqliyyatı ilə sərnişin və yük daşımaları fəaliyyəti göstərən hüquqi və fiziki şəxslərin buraxılış vəsiqəsi, buraxılış kartı, reysqabağı texniki və tibbi müayinələrin keçirilməsi vəziyyəti və  formulyarların tərtib edilməsinin yoxlanılması və bu sahədə qanunvericiliyə müvafiq olaraq tədbirlərin görülməsinin təbliği məqsədilə Azərbaycan Yerüstü Nəqliyyat Agentliyi (AYNA) və Bakı Şəhər Dövlət Yol Polisi İdarəsi (BŞDYPİ) birgə marifləndirici reydlər həyata keçirib.

Avtosfer.az xəbər verir ki, reydlər nəticəsində 56 nəqliyyat vasitəsinin buraxılış kartı və buraxılış vəsiqəsi olmadan fəaliyyət göstərdiyi, 4 nəqliyyat vasitəsinin texniki vəziyyətinin reysqabağı yoxlanışdan, sürücünün isə reysqabağı tibbi müayinədən keçmədiyi müəyyən edilib. Sürücülərlə izahedici söhbətlər aparılıb və qanunvericiliyin tələblərinə riayət etmələri tövsiyə olunub.

Avtomobil nəqliyyatı ilə yük və sərnişin daşımaları sahəsində daşıyıcıların qanunvericiliyə uyğun fəaliyyətini yoxlamaq və sürücüləri maarifləndirmək məqsədilə tədbirlər davam etdirilir.