1900-cü ilin ixtirası elektromobildə yenilik kimi tətbiq ediləcək - FOTO

Elektromobillərin mühərrikləri bir qayda olaraq oxun (əsasən arxa) üzərində yerləşdirilir. 

Avtosfer.az xəbər verir ki, artıq bu yanaşma dəyişir. Continental və Deepdrive şirkətlərinin (Münxen) yeni layihəsindəisə mühərrik oxda deyil, təkər topunun (danışıqda stupitsa – müəl.) üzərində yerləşəcək. Bu mühərrik həm də tormoz funksiyası yerinə yetirəcək. Üstəgəl, birbaşa təkərin üstündə olduğu üçün daha az elektriklə çox yol getməkl mümkün olacaq. Ən əsası, bu mühərriklərin istehsalı üçün nadir elementlər tələb olunmur. 

Maraqlıdır ki, bu ideya yeni deyil. 1900-cü ildə istehsal edilmiş olan dünyanın ilk hibrid avtomobili Lohner-Porsche belə inteqrasiya olunmuş mühərrikə malik idi. 

PS. Rəhmətlik Sabir “əcnəbi seyrə balonlarla çıxır” deyərkən necə də haqlı imiş.

Vüqar