Alman şirkətləri Cenevrə avtomobil sərgisində iştirak etməyəcək

26 fevral - 4 mart tarixlərində keçiriləcək Cenevrə avtoşousunun iştirakçıları məlum olub. Doğrudur, hələlik rəsmi siyahı ictimaiyyətə elan edilməsə də, təşkilatçılar iştirakçı şirkətlər üçün son təsdiqi yollayıb.

Avtosfer.az xəbər verir ki, alman mediası yerli istehsalçıların bu avtoşouda iştirak etməyəcəyini yazır. BMW, Mercedes-Benz, Audi və Volkswagen şirkətlərinin sözçüləri avtoşouda təmsil olunmayacaqlarını bildiriblər. Bununla belə, heç kim səbəb göstərməyib. 

Avropa mətbuatında yer alan məlumatlara görə, bu dəfə avtoşouda elektromobillər üstünlük təşkil edəcək. Lakin alman markalarının təmsil edilməməsi sərgiyə marağı azaldacaq.

Vüqar