Polis kəmər taxmayıb telefonla danışan sürücüləri bu yolla aşkar etmək istəyir - FOTO - VİDEO

Belçika polisi radarlarda süni intellektin tətbiqini istəsə də, həyata keçirə bilmir. Avtosfer.az xəbər verir ki, polis bu yolla kəmərdən istifadə etməyən və hərəkət vaxtı mobiil telefondan istifadə edən sürücüləri aşkarlamaq istəyir. Məsələn, Britaniyada bu sistem tətbiq edildikdə 5 günə mindən qayda pozuntusu aşlarlandı.

Lakin Belçikanın Polis İnformasiyasına Nəzarət Qurumu (COC) bu tip radarları qanunsuz hesab edir. Qanun insanların texniki vasitələrlə üzünün tanınması və biometriyasının müəyyən edilməsinə icazə vermir. 

Bununla belə, gocar.be saytının ekspertləri hesab edirlər ki, avropalı qanunvericilərin geri addım atacağı və digər ölkələrin təcrübəsindən bəhrələnəcəyi gün uzaqda deyil. Çünki süni intellektli radarların polis üçün pulkəsən maşından fərqi yoxdur.