Bu şəhərdə yanacaqla işləyən bütün avtomobillər qadağan edilir

Avropada köhnə avtomobillərin şəhər mərkəzlərindən yığışdırılması sürətnəlir. İsveçdə isə daha radikal tədbirlərə əl atılır. 

Avtosfer.az xəbər verir ki, Stokholm bələdiyyəsi 2025-ci ildən etibarən şəhərdə yanacaqla işləyən bütün avtomobilləri qadağan etməyə qərar verib. 

Hazırda paytaxtın mərkəzində əksər ərazilər sıfır emissiyalı zona elan edilib. Yaxın 2 ildə isə belə zonalar şəhərin bütün ərazisini əhatə edəcək. Benzin mühərrikli avtomobili yalnız şəhərin girişinədək sürmək olacaq. 

Bələdiyyə rəisi bu qərarını belə əsaslandırıb: “hava pis olduğuna görə uşaqlar ağciyər xəstəlikləri ilə doğulur, yaşlılar isə vaxtından qabaq ölür”.

Bələdiyyə həmçinin ictimai nəqliyyatı təşviq edən layihə üzərində işləyir.

Vüqar