Çin avtomobilləri: gedənlər və qalanlar

Çin avtomobil markaları ilə bağlı sorğu keçirilsə insanlar ən yaxşı halda 5 ad çəkə bilərlər. BYD, MG və Geely çoxlarına tanışdır. Lakin...

Avtosfer.az xəbər verir ki, Çində yüzdən çox yerli avtomobil markası var. Avropada ümumilikdə bu qədər marka yoxdur. Lakin bazarın 80%-nə cəmi 10 şirkət nəzarət edir.

Satışları azalan şirkətlər isə iflasa gedir. Markaların say çoxluğu Çin hökumətinin iqtisadi siyasəti ilə bağlıdır. Bir neçə il əvvəl hökumət elektromobil istehsalı üçün ciddi subsidiya verdiyinə görə çox sayda startap yarandı. Bunlardan böyük bir qisminin niyyəti dövlətdən pul qoparmaq idi.

İndi isə vəziyyət dəyişib. Hökumıət verdiyi pulların hesabını sorur. Subsidiyalar demək olar dayanıb. Xarici şirkətlər də ciddi satışı olan şirkətlərə sərmayə qoyur.

Buna görə də yaxın illərdə Çinin avtomobil istehsalçılarının təmərküzləşməsinin şahidi olacağıq.

Vüqar