"Ferrari" superkarları villanın hasarına çırpılıblar - VİDEO

İki dəbdəbəli Ferrari superkarı bir-birinin ardınca yoldan çıxaraq hasara çırpılıb. İtaliyanın Osimo şəhərində baş verən qəza müşahidə kamerasına düşüb: sürücülər yüksək sürətlə hərəkət edərək idarəetməni itiriblər və nəticədə yollarını villanın hasarında tamamlamaq məcburiyyətində qalıblar. Hasar Ferrari 296 GTB Assetto Fiorano və F12 Berlinetta superkarlarını dayandıracaq qədər möhkəm olub, əks halda hər iki avtomobil hovuza düşə bilərdi. Xoşbəxtlikdən hər iki sürücü qəzadan xəsarət almadan qurtulublar, lakin onların avtomobilləri haqqında bunu demək mümkün deyil.

Hadisə ilə bağlı bəzi təfərrüatlar artıq məlumdur. Superkarları tətilini İtaliyada keçirən 56 yaşlı belçikalı və 46 yaşlı Hollandiya vətəndaşı idarə edib. Videodan göründüyü kimi, qırmızı rəngli Ferrari 296 GTB Assetto Fiorano modeli öndə gedib: sürücü sürəti azaltmağa vaxt tapmayıb, döngəni qaçıraraq yoldan çıxıb və bir neçə metr havada uçaraq qarşıdakı villanın hasarına çırpılıb. Mavi rəngli Ferrari F12 Berlinetta superkarının sürücüsü də eyni xətaya yol verib.

Eyni zamanda, qırmızı rəngli 296 GTB modelini idarə edən şəxsin qəzaya uğramış avtomobili problemsiz tərk etdiyi görünür. F12 Berlinetta sürücünü isə xəstəxanaya yerləşdirilmək gərək olub, lakin o da tezliklə evə buraxılıb - sürücü ciddi xəsarəti almayıb. Superkarlardan birində əyləşmiş qadın sərnişin də heç bir xəsarət almayıb. İlkin məlumata görə, sürücülər kənd yolunda yarışa çıxıb, sürət həddini aşaraq idarəetməni itiriblər.

İkiqat qəzanın nəticələrini əks etdirən video da var. Hadisə yerinə yanğınsöndürənlər və təcili tibbi yardım helikopteri gəlib, magistral yolda hərəkət müvəqqəti olaraq dayandırılıb. İlkin hesablamalara görə, superkarları bərpa etmək mümkün deyil.

autograph.az