Fransada oğurluq edən erməni 3 polis avtomobilini əzdi

Fransanın Şalon-sür-Son kommunasında oğurluq edən erməni polis avtomobillərinə zərər vurub.  
Avtosfer.az-ın xəbərinə görə, gecə saatlarında marketin siqnal sistemi işə düşdüyü üçün polislər hadisə yerinə gəlib. Onlar bir nəfərin ərazidən uzaqlaşdığnı görərək təqib etməyə başlayıblar. Lakin təqib edilən şəxs nəinki dayanmayıb, hətta 3 polis avtomobilini əzib. 
Avtomobili əlavə qüvvə cəlb edərək saaxlamaq mümkün olub. Baxış vaxtı maşından bahalı geyim və içkilər çıxıb. Maşındakı yenicə oğurlanan kassa aparatını isə açmaq mümkün olmayıb. 
Ertəsi gün məhkəməyə çıxarılan şəxsin 1975-ci ildə İrəvanda doğulmuş Ermənistan vətəndaşı olduğu müəyyən edilib. 2002-cio ildə xarkova gedən erməni Ukrayna-Rusiya müharibəsi başlayan kimi qaçqınlara qoşularaq Avropaya keçib. Müstəntiqin dediyinə görə, o, Fransaya məhz oğurluq etmək üçün gəlib. 
Məhkəmənin hökmü ilə Ermənistan vətəndaşı 18 ay azadlıqdan məhrum edilib. Cəza müddəti başa çatan kimi Fransadan deportasiya olunacaq.