"Lexus" şirkəti yenilənmiş "NX" krossoverini təqdim edib

Lexus şirkəti yenilənmiş NX krossoverini təqdim edib. Model təkmilləşdirilmiş hərəkət xüsusiyyətlərinə, salonun yenidən işlənmiş rəng sxemlərinə və yenilənmiş köməkçi elektronikaya sahib olub. Lexus NX modelinin modernləşdirilməsi üç əsas istiqamətdə həyata keçirilib.

Birinci və bəlkə də ən vacibi, hərəkət xüsusiyyətlərinin yaxşılaşdırılmasıdır. Bunun üçün krossoverin ön və arxa hissələri gücləndirilib, yaylar və amortizatorlar yenidən sazlanıb, dinamik sabitləşdirmə sistemi yenidən tənzimlənib. NX350 modifikasiyasının mühərrik və transmissiyasının tənzimləmələrinə yenidən baxılıb ki, akselerator pedalının reaksiyasını kəskinləşdirib və sürətlənmələri daha emosional edib.

Salonun rəng sxemlərinə də yenidən baxılıb: daha çox seçilən səthlər əlavə edilib. NX krossoverinin elektronikası yalnız digər yol istifadəçilərini deyil, həm də divarlar kimi hərəkətsiz obyektləri “görməyi” öyrənib. Səhv sürətləndirmənin blokiratoru indi aşağı sürətlərdə də işləyir ki, bu da toqquşmanın qarşısını almasa da, onun nəticələrini minimuma endirməyə imkan verir.

Nəhayət, Proactive Driving Assist sisteminin imkanları genişləndirilib. Əvvəllər o, piyada və velosipedçilər ilə təhlükəli yaxınlaşmanın qarşısını alıb, kiçik döngələrdə və işıqforu olan kəsişmələrdə avtomobili yavaşladırdı. İndi isə, köməkçi sola dönəndə belə idarəetməyə müdaxilə edir. 

Eyni zamanda, Lexus mütəxəssisləri NX450h F Sport modelindəki Teammate Advanced Park avtomatik parklayıcısını təkmilləşdiriblər. Bundan başqa, krossoverin opsyalar siyahısına ön və arxa videoqeydəalanlar əlavə edilib.

Artıq bu gün Yaponiyada yenilənmiş NX modelinə sifarişlərin qəbuluna start verilib. Krossoverin baza versiyasının qiyməti 4 550 000 yen (56,7 min manat) təşkil edir. NX450h+ F Sport variantı üçün isə  7 535 000 yen (93,9 min manat) tələb olunur.

autograph.az