Qızılı “Rolls-Royce”la taksi xidməti göstərən milyonçu - VİDEO

Hindistanın Kerala ştatında məşhur milyonçu “Rolls-Royce”la taksi xidməti göstərir. 

Avtosfer.az-ın xəbərinə görə, milyonçunun bu addımı təəccüblə qarşılanıb. Hətta televiziyalar da ondan reportaj hazırlayıb. 
Qızılı rəngli avtomobillə sərnişin daşıyan milyonçunun müştəriləri arasında əcnəbi turistlər də var. O, ölkəsini tanıtmaq üçün turistləri pulsuz gəzdirir. 
Varidatı 100 milyon dolları keçən milyonçu Kerala ştatında qızıl emalı ilə məşğuldur. Yerli televiziyaya müsahibəsində o bildirib ki, məqsədi insanlara pozitiv əhval-ruhiyyə yaratmaqdır.