Rusiyada Çin avtomobillərindən şikayətlər artır

Ukrayna müharibəsindən sonra Çin avtomobilləri Rusiya bazarını doldursa da, rusların qəlbində yer tuta bilməyib. 

Avtosfer.az-ın xəbərinə görə, sürücülər servisə tez-tez müraciət etməkdən narazıdırlar. 

Rəy sorğularına görə avtomobil sahibləri Çin modellərinin korroziyaya davamsızlığından, asqıların zəifliyindən və elektronika problemlərindən şikayət edirlər.

Cari ilin 8 ayında yaşı dördü keçməyən avtomobillərin sahiblərinin 35%-i  ciddi nasazlığa görə servisə baş vurub. Chery, Lifan və Geely sürücüləri vaxtaşırı servisə getməyə məcbur olub. Ən ciddi artım Haval (+88%), Changan (+33%) və JAC (+60%) modellərinə aiddir.

Rəyi soruşulanların 61%-i Çin avtomobillərinin Rusiya yollarına, xüsusən də qışa uyğun gəlmədiyi qənaətindədir. Ən ciddi şikayət isə taksi sürücülərindən gəlir. Onların fikrincəRusiya şəraitində istismar zamanı təzə avtomobildə 20 min kilometrdən sonra ciddi problemlər ortaya çıxır.

 Bir sözlə, Kremlin ideoloqları Qərb avtomobillərini nə qədər söysələr də, publikanı inandıra bilməyiblər. Çünki özləri söydükləri ölkələrin texnikasından əl çəkmirlər.