“Skoda” Avropadakı zavodlarını bağlamaqla hədələdi

Avro-7 ekoloji normalarına qarşı çıxanların sayı artır. 

Avtosfer.az-ın xəbərinə görə, narazılar cərgəsinə Çexiyanın “Skoda Auto” şirkəti də qoşulub.

Şirkətin rəhbərliyi bildirir ki, Avro-7 normalarına dair qanun hazırki formada qəbul edilsə bütün ucuz modellərin (Fabia, Scala və Kamiq) istehsalı dayanacaq. Çünki maya dəyəri artdığı üçün bu modellərin istehsalı rentabelli olmayacaq. Sözügedən modellər konveyerdən yığışdırılacağı təqdirdə azı 3000 nəfər iş yerini itirəcək. Ümumilikdə isə Avro-7 normalarına Brüsselin tələb etdiyi formada keçilsə 10 000 nəfər iş yerini itirəcək. 

Zavod bildirir ki, bu təqdirdə Bratislava və Kvasina şəhərlərindəki zavodlar bağlana bilər.

Vüqar