Tesla-nın təhvil verdiyi avtomobillərin sayı azalıb

ABŞ-ın Tesla şirkəti 2022-ci il üçün ikinci rüb avtomobil istehsalı və tədarük rəqəmlərini açıqlayıb.

Avtosfer.az xəbər verir ki, Tesla 258 580 avtomobil istehsal edib və 254 695 avtomobil təhvil verib. Bu rəqəmlər analitiklərin gözləntilərindən aşağı olub.

Analitiklərin fikrincə, onlar Covid məhdudiyyətlərinə, tədarük zəncirinin pozulmasına və çip böhranına baxmayaraq 256 520 avtomobilin çatdırılmasını gözləyirdilər.

Keçən il Tesla ikinci rübdə 201 250 avtomobil tədarük etmişdi.

Tesla 2022-ci ilin birinci rübündə 310 048 avtomobil təhvil vermişdi.

Tədarük rəqəmləri satışlarda 26,5 faiz artım olduğunu göstərir ki, İlon Maskın elektrik avtomobil satışının əvvəlki ilin eyni dövrü ilə müqayisədə 26,5 faoz artmasına baxmayaraq, ilk rüb ilə müqayisədə 17,9 faiz azalıb.

Eelektrik avtomobillərinin tədarükü Şanxaydakı zavodda istehsalın dayandırılması səbəbindən azalıb. Bu barədə şənbə günü Britaniyanın “Financial Times” qəzeti yazıb. Çindəki epidemioloji vəziyyətə görə zavodun dayanması son iki ildə ilk dəfə olaraq rüblük azalmaya səbəb olub.

ABŞ istehsalçısının ilin birinci yarısında ümumi tədarükləri 2021-ci ilin eyni dövrü ilə müqayisədə 46% artaraq 564 min ədəd təşkil edib.

Tesla 2003-cü ildə amerikalı sahibkar İlon Mask tərəfindən təsis edilib. Şirkətin baş ofisi Kaliforniyanın Palo Alto şəhərində yerləşir. İlk vaxtlar şirkət sırf elektromobillərin istehsalında ixtisaslaşıb, lakin sonradan günəş panelləri və digər enerji sistemləri yaratmağa başlayıb. 2021-ci ilin oktyabr ayında şirkətin bazar dəyəri 1 trilyon dolları ötüb.

Marja