“Toyota” mühəndisləri “Teslanın” mühəndisliyi qarşısında heyran oldu

“Toyota” dünyanın ən böyük avtomobil istehsalçısıdır və ağlımıza gələn istənilən növ nəqliyyat vasitəsini buraxır. Marka sadəcə elektromobil modellərin istehsalında geridədir. 

Avtosfer.az xəbər verir ki, şirkətin CEO-sunun dəyişməsi və yeni işçi komandasının qurumun tərkibinə daxil olmasıyla “Toyota”, elektromobil mərhələyə qarşı atdığı addımları sürətləndirməyi düşünür. Belə ki, yapon avtomobil istehsalçısı keçən il dünya miqyasında 24 466 ədəd elektromobil avtomobil satıb. Eyni vaxtda “Toyota” 2.6 milyon hibrid avtomobil satışını həyata keçirib.

Yenə də aprelin 1-dən sonra işinə start verəcək “Toyota”nın yeni CEO-su “Lexus” rəhbəri Koji Sato markanı elektromobil mərhələyə çatdırmaqda qərarlıdır. 
Bu səbəbdən yapon avtomobil istehsalçısı “Tesla”nın nəyi düzgün etdiyini başa düşmək üçün mühəndislərini təlimatlandırıb və Automotive New Europe-dən bildirilən məlumata görə “Toyota” mühəndisləri “Model Y”ni tamamilə sökərək daxilində nələrin olduğuna baxıblar. 

“Tesla”nın “Model Y”ni parça-parça analiz edən “Toyota” mühəndisi, “Model Y”nin salonunu çıxartdıq, həqiqətən tam bir sənət əsəriydi” deyə qeyd edib. 
“Toyota” mühəndisləri “Model Y”nin inkişaf etmiş istehsal üsulu ilə buraxılan sadə, amma məhsuldar bir avtomobilin daha üzərində olduğunu bildiriblər.

Nərmin Əkbər