Ukraynada dizel və benzin mühərrikli avtobuslar qadağan edilir

 2030-cu ildən etibarən Ukraynada şəhər nəqliyyatında istifadə üçün Dizel və benzin mühərrikli avtobusların alınması qadağan edilir.
Avtosfer.az-ın xəbərinə görə, bu barədə Ali Radanın 8172 saylı qanununda bildirilir. 
Qanun layihəsinə görə, 1 yanvar 2036-cı ildən etibarən vilayət və rayon tabeliyindəki şəhərlərdə yalnız elektrobuslar, sıxılmış təbii qaz və hidrogenlə işləyən avtobusların istismarına icazə veriləcək. 2028-ci ildən etibarən əhali sayı 250 mindən çox olan şəhərlər üzrə yeni alınacaq avtobusların azı 50%-i elektrobus, sıxılmış təbii qaz və hidrogenlə işləyən texnika olmalıdır. 1 yanvar 2030-cu ildən isə avtobus parkı üçün bütünlüklə sözügedən texnikalar alınmalıdır. Dizel və benzin mühərrikli avtobuslar üçün son istismar tarixi 1 yanvar 2036-cı il müəyyən edilib.