Yeni "Kia Sportage"nin qiymətləri açıqlandı

"Kia" ABŞ bazarı üçün 2024 "Kia ​​Sportage" krossoverinin qiymətlərini və texniki xüsusiyyətlərini açıqlayıb. 

Avtosfer.az xəbər verir ki, model 10 trim səviyyəsində təklif olunacaq. İlkin dəyəri 27 090 dollardan başlayacaq.

Yenilənmiş "Kia Sportage" 187 at gücünə malik 2,5 litrlik dörd silindrli mühərriklə təmin edilib. Krossoverin əsas avadanlığına təhlükəsizlik yastıqları, LED proyektor faralar, kruiz-kontrol, irəli toqquşma xəbərdarlığı sistemi, zolaq saxlama funksiyası və arxa park sensorları daxildir.

"Kia Sportage"in daha bahalı versiyalarında ön parkinq sensorları, arxa çarpaz toqquşmaların qarşısının alınması sistemi və təhlükəsiz çıxış xəbərdarlığı funksiyası var. Üst konfiqurasiyada olan avtomobilin qiyməti 37 890 dollardır.