Yük avtomobilləri üçün 19-cu əsrin texnologiyası - VİDEO

Almaniyanın baden Vütemberq əyalətində yük elektromobilləri üçün maraqlı sistem quraşdırılıb. 
Avtosfer.az-ın xəbərinə görə, biri 2,7 km, digəri 0,3 km olmaqla əyalətdə 2 yerdə kontakt xətti quraşdırılıb. 
Sistem sadədəir: sürücü avtomobili kontakt xəttinin altında saxlayaraq pantoqrafı (cərəyan qəbuledici) qaldırır. Bu proses mexanikidir. Kontakt xətti ilə təmas yarandıqdan sonra avtomobil hərəkətə başlayır. 3 km məsafə batareyanı 15 % doldurmağa imkan verir.
Sürücü kəskin manevr edərək kənara çıxdıqda, və ya xətt başa çatdıqda pantoqraf avtomatik surətdə aşağı eenir. Bu da sırf təhlükəsizlik üçündür. 
Görünən budur ki, 19-cu əsrə aid ixtira üstündən 140 il keçsə də işə yarayır. 
Qeyd edək ki, tarixə ilk trolleybus xətti 1882-ci ildə Berlində quraşdırılıb.